وكالات //

فواحد الحادثة كتشبه لدكشي لي وقع مؤخرا في سيدي علال التازي، ماتو 47 واحد في الهند بسبب الشرب ديالهم لشراب مغشوش.

على حساب ماقالت وكالة رويترز للأنباء، فهادشي وقع البارح الخميس في ولاية تاميل نادو جنوب الهند.

وقالت أن أكثر من 150 واحد حسو بأعراض خايبة ومشاو للسبيطار، والنص منهم الحالة ديالهم خطيرة.

من جيهتها قالت السلطات انها شدات السيد لي باع ليهم هاد الشراب المغشوش المخلط بمادة الميثانول، وصادرات أكثر من 200 لتر ديال هاد الشراب.