كود – كازا //

الكاتب الفرنسي من أصل جزائري بوعلام صنصال غادي يدير أول زيارة ليه للمغرب فشهر نونبر الجاي، فزيارة غادوم جوج سيمانات.

وحسب المعطيات المتوفرة، صنصال غادي يزور الرباط وفاس والداخلة والعيون وطنجة، فإطار برنامج فيه مجموعة من اللقاءات والأنشطة الثقافية والأدبية.

ومن المنتظر يشارك الكاتب فجوج ندوات، وحدة فالرباط ووحدة ففاس، على قبل برنامج تنسق مع دار النشر اللي كتتكلف بإصدار الكتب ديالو، وغادي تكون هاد اللقاءات فرصة باش يهضر على المسار الأدبي وعلى أعمالو وكتاباتو

البرنامج ديال الزيارة غادي يشمل حتى الإقامة فالداخلة لمدة 3 أيام، ومن بعدها غادي ينتاقل لمدينة العيون، قبل ما يقصد طنجة لي كتسناه السفارة الفرنسية فالمغرب باش تنظم حفل استقبال خاص ببوعلام صنصال، ضمن برنامج الزيارة ديالو للمملكة.

وكتعتبر هادي أول زيارة لبوعلام صنصال للمغرب، فمرحلة كيعرف فيها الكاتب اهتمام كبير بسبب أعمالو الأدبية، إضافة للمواقف والتصريحات ديالو على عدد من القضايا السياسية والتاريخية اللي كتهم المنطقة المغاربية.