وكالات//

علنات الكاتبة والإنفلونسر آشلي سانت كلير، لي عندها 26 عام، علنات على الصراع ديالها المستمر مع الملياردير إيلون ماسك على حضانة ولدهم، ووصفت العام لي فات بـ”انتحار مهني”.

هادشي كان فالحلقة اللولة من البودكاست الجديد ديالها لي سميتو “نصائح خايبة على برنامج إكس ديال إيلون ماسك”، لي خرجاتو نهار الاثنين 18 غشت. وقالت سانت كلير:

“من بعد عام ديال انتحار مهني بلا ما كان فالحسبان، وفراغ غريب فالبروفايل ديالي فـ LinkedIn، قررت نطلق بودكاست.”
سانت كلير وضحات أن البودكاست جا بسبب الضغط المادي لي عايشاه، حيث جاتها عرضة من Polymarket باش تقرا إعلان مقابل 10.000 دولار، والفلوس هادو عاونوها ماليًا فواحد المرحلة لي ماكانوش عندها اختيارات: يا إما تقبل العرض، يا إما تدخل فواحد برنامج تسويق شبكي.

وأضافات أن البودكاست ديالها غيكون مختلف على باقي البرامج الإعلامية، وقالت:
“ما بديتش هاد البرنامج حيت كنفكر أن أفكاري الذكية أعظم هدية للبشرية، ولكن حيت كنظن أن عندي أسوأ الأفكار، فاعتابرو كل ما كنقول قصة باش تاخدو منها العبرة.”

لحد الساعة، إيلون ماسك ما علّقش لا على البودكاست ولا على ادعاءات الإخلاء، ومجلة People تواصلات مع المحامين ديال سانت كلير وماسك باش ياخدو التعليقات.

العلاقة ديال إيلون ماسك وآشلي سانت كلير بدات ملي خدمو مع بعضياتهم فبرنامج “إكس” فسان فرانسيسكو، وهذ الشي نتج عليه ولادة ولدهم R.S.C. لي علنو عليه ففبراير 2025. سانت كلير أكدت أنها ما بغاتش تكشف شكون الأب من قبل، باش تحمي خصوصية الطفل وسلامتو، وشدّدت على أنها بغاتو يتربى فجو طبيعي وآمن.