وكالات//

توفات آمي بلانك لاسي، اللي كانت مستشارة فـ كتابة السيناريو ديال مسلسل “The Walking Dead”، عن عمر 62 عام، من بعد ما ضرباتها طوموبيل وهرب السائق، فـ حادثة وقعات فـ مدينة أتلانتا نهار 1 شتنبر. دخلات للسبيطار من بعد الحادث، ولكن توفات من بعد أربع أيام.

الشرطة ديال أتلانتا قالت إن واحد الشاب سميتو باك رولينز، عندو 31 عام، كان سايق الطوموبيل ديالو بسرعة كتفوت الحد المسموح به بزاااف، وفقد السيطرة عليها، وهاد الشي خلاه يصدم الطوموبيل اللي كانت فيها آمي وولادها. ووجهو ليه تهم ديال القتل العمد، والهروب من بلاصة الحادث، والسياقة المتهورة، والسرعة الزائدة.

من بعد ما خرج الخبر، خاري بايتون، واحد من الممثلين فـ المسلسل، نشر صورة ديالو مع آمي على إنستغرام، وعبّر على الحزن ديالو الكبير على فراقها.

حتى المعجبين وزملاءها فـ المجال الفني عبروا على التعازي ديالهم، وقالو بلّي كانت إنسانة مشرقة وكتحب تخدم مع الناس.