الرئيسية > تبركيك > القيامة نايضة على منع تلميذة دايرة فولار من دخول المدرسة فقنيطرة… بزاف مافاهمينش أن كل مدرسة ونظامها الداخلي وأن وضع البنت لشرويطة فوق راسها وهي فسن صغيرة جريمة فحقها وحرمان من الاستمتاع بطفولتها
14/11/2020 18:00 تبركيك

القيامة نايضة على منع تلميذة دايرة فولار من دخول المدرسة فقنيطرة… بزاف مافاهمينش أن كل مدرسة ونظامها الداخلي وأن وضع البنت لشرويطة فوق راسها وهي فسن صغيرة جريمة فحقها وحرمان من الاستمتاع بطفولتها

القيامة نايضة على منع تلميذة دايرة فولار من دخول المدرسة فقنيطرة… بزاف مافاهمينش أن كل مدرسة ونظامها الداخلي وأن وضع البنت لشرويطة فوق راسها وهي فسن صغيرة جريمة فحقها وحرمان من الاستمتاع بطفولتها

عفراء علوي محمدي- كود//

واقيلا ولفنا نشوفو بناتنا مغلفات فالشراوط، فالبرد والشتا والصهد والعجاج، الشراوط اللي كيخنقوهم ومكيخليوهمش يلعبو ويفروحو بحال جميع البنات اللي فلاج ديالهم، ولفنا نشوفو الآباء كيفرضو على بناتهم فسن صغيرة لباس مافاهمين عليه والو، وكيوهموهم من هذيك السن الصغير أنهم عورة وفتنة وخصهم يتغطاو، ويدخلو ليهم شي مضامين دينية صحة لدماغهم فالوقت اللي هوما باقيين ما حلو عينيهم على الحياة وباغيين عاد يكتاشفوها.

مدرسة “دون بوسكر” فالقنيطرة من ديما كتطبق القانون الداخلي ديالها، اللي كيمنع منعا كليا “ارتداء غطاء الرأس لكل من التلميذ أو التلميذة داخل المؤسسة”، وهو الشيء اللي خلاها ترفض، الاربعاء اللي فات، ولوج تلميذة سميتها “سندس” بسبب هذ اللباس.

لكن عوض الواليدين ما يفهمو ويوعاو بعد هذ الواقعة أن تلبيس البنت الصغيرة والتلميذة اللي غادا للمدرسة (وماشي الجامع) لباس بحال هذا حاجة غير سوية وغير عادلة، واستغلال لطفولتها ولكونها قاصر من أجل إقناعها بتوب غير كيقيدها ويحرمها من طفولتها، ناضو يحيحو على إدارة المؤسسة، وجابو ليها الموفوض القضائي باش يدير معاينة على هذشي اللي وقع، بحالا كانت أول بنت ولا آخر بنت اللي تمنع عليها الحجاب داخل المؤسسات التعليمية.

بعض المتخلفين، بالسبان وتخسار الهضرة بحال عادتهم، كيتداولو الخبر على مواقع التواصل الاجتماعي بشكل كبير على أساس المدرسة اللي غالطة، لكن ماشافوش أو واقيلا مافاهمينش أن هذ النوعية من اللباس غيخلي البنت تشوف بأنه امرأة ناضجة مثيرة لشهوة الرجال، ويزيد يكرس البيدوفيليا اللي مهما سكتنا عليها كتبقى كاينة ومستفحلة فمجتمعاتنا النامية، فالوقت اللي هي مجرد طفلة بعيد عليها هذشي كل البعد، وباقية باغة تلعب وتكتشف الحياة، ومايمكن تقرر فارتداءها لهذ اللباس من عدمو حتى تولي تميز بين الصح والخطأ وتتجاوز سن الرشد.

موضوعات أخرى

28/11/2020 14:00

اليهودي المغربي لي كايهز الراية د البلاد و كايدافع على الصحرا و كايغني الشعبي و حافظ اغنية العار يا العار و كايعجبو الكسكسو ! راه احسن ليا من اي مسلم فحالي و لكن من عباد اردوغان، كاره للموسيقى و كايفضل يهز راية فلسطين على راية البلاد

28/11/2020 12:30

الودادية الحسنية للقضاة. تعطلات باش دير بلاغ على الكركرات وعوض تاخد مسافة مع قضية امام القضاة كتهاجم الصحافة. راه كان خاص استقالة كاع للي تجبد اسمهم فعصابة النصب باسم الصحافة حتى يسالي التحقيق

28/11/2020 12:20

رحيل مفجع لصحراوي كرس حياتو كلها للتقارب. كورونا خطفات مندوب الصناعة التلقيدية احمد الداهي. قرب بين قبائل الصحرا وبين سكان لعيون والصبليون وبين الشمال والجنوب

28/11/2020 12:00

رواية جريئة كتخوض فالإسلام والقرآن وانتقدات كلشي نيشان… مولاتها لـ”كود”: مابقيتش قادرة مازال نسكت ومستعدة نموت باش صوتي يوصل.. وخاص نفتحو مجال للتأمل فالدين والمسلمات بان نحركو عقول النائمين