الرئيسية > آش واقع > القوات المسلحة الملكية قريب تتسلم الشحنة اللولة من 200 كوبرا ديال تركيا
03/03/2024 21:00 آش واقع

القوات المسلحة الملكية قريب تتسلم الشحنة اللولة من 200 كوبرا ديال تركيا

القوات المسلحة الملكية قريب تتسلم الشحنة اللولة من 200 كوبرا ديال تركيا

كود – كازا ///

قالت تقارير إخبارية، إن القوات المسلحة الملكية غادي تتسلم هاد العام، الشحنة اللولة من صفقة اقتناء 200 مدرعة كوبرا من شركة الدفاع التركية “أوتوكار”. وتصل القيمة الإجمالية ديال هاد الصفقة 136 مليون دولار.

وأضافت التقارير ذاتها، أن المركبات المتبقية غاد يتم تسليمها ف العام الجاي 2025. ويمكن استخدام هاد النوع من المركبات “الكوبرا” ف مهام متعددة ويمكن تسليحها بصواريخ وصُممت ف الأصل للجيش التركي ف 1997.

وحسب المميزات التقنية ديالها، فهي مركبة مدرعة تكتيكية ذات دفع رباعي، وكتتمتع بميزات تقنية وتكتيكية متقدمة، بحال توفير حماية باليستية أفضل وحمولة أكبر ومساحة داخلية أوسع. ويمكن استخدامها كناقلة جنود مدرعة، ومركبة مضادة للدبابات، ومنصة استطلاع، ووحدة مراقبة أرضية، ونقطة مراقبة أمامية وحتى كسيارة إسعاف مدرعة.

ويحمي الهيكل الفولاذي ديالها من الألغام والعبوات المتفجرة وشظايا المدفعية والأسلحة النارية ذات العيار الكبير. وتقد تتجهز بالرشاشات عيار 12.7 ملم، والمدافع عيار 20 ملم، والصواريخ المضادة للدبابات. وكتوصل سرعتها القصوى إلى 115 كم/ساعة.

https://www.larazon.es/internacional/marruecos-adquiere-200-vehiculos-blindados-turquia-parte-cuales-seran-entregados-este-ano_2024030265e2eb1fb7621f0001e4ffe2.html

موضوعات أخرى

22/04/2024 07:00

قاضي التحقيق بابتدائية سطات هبط موظف سجن عين علي مومن الحبس وها التهم للي توجهات ليه