كود -actu//

فالرحلة للقمر لي غادي دوم عشرة أيام، نجحات رائدة الفضاء كريستينا كوتش باش تعتق مركبة أرتميس 2 بعدما خسر طواليط ديال كبسولة أوريون مني عاد قلعو.

المهمة لي انطلقات يوم 1 أبريل 2026، ولي كانت غادي فيها  ربعة رواد فضاء، بينهم الكندي جيريمي هانسن والأمريكيان فيكتور غلوفر وريد وايزمان، وكريستينا كانت المراة الوحيدة فالمهمة.

بعد 8 دقايق من التقلاع، انفصلات كبسولة أوريون ودخلت مدار لارض، ولكن واجه الفريق مشكلة فطواليط لي خسر، حسب ناسا هذا النوع ديال المشاكل يقدر يكون خطير ويأثر على راحة الرواد وجو المركبة.

ولكن كريستينا تدخلات دغيا بحكم خبرة التدريب المكثف ديالها و قدرت تصلح طواليط وتفرح الطاقم لي معها و قالت :
“كنشوف راسي اليوم بلومبي الفضاء، وكنأكد لكم، طواليط يمكن هو أهم حاجة فالمركبة، وفرحنا بزاف ملي خدم مزيان.”

“I’m the space plumber, I’m proud to call myself the space plumber.”

Mission specialists like @Astro_Christina train for all roles so they can jump in wherever they’re needed. Sometimes that means fixing vital machinery, like the spacecraft toilet. pic.twitter.com/RGBWkwRgX7

— NASA (@NASA) April 3, 2026

وكالة ناسا شددت على أن رواد الفضاء مدربين باش يتصرفوا فجميع الحالات، من المهام العلمية وحتى المشاكل اليومية الصغيرة، بحال بلوكاج المعدات الأساسية ،وهاد الموقف كان  مثال على أهمية التدريب والجاهزية في المهمات الفضائية.