وكالات//
تهزات مصر كلها على وقع واحد جريمة اغتصاب خايبة بزاف، الضحية ديالها كان واحد الدري الصغير فعمرو 7 سنين، ولي خايب فيها أكثر هو أنها ترتاكبات وسط الجامع.
على حساب مانقلات بزاف ديال التقارير الصحفية المصرية، فالواقعة وقعات في واحد الجامع كاين في محافظة بني سويف، والمتهم عمرو 36 عام.
وكيقولو أنه بعد صلاة الجماعة سمعو الناس البكاء ديال دري صغير وفين سولوه شنو طرا ليه، قال ليهم ان واحد الراجل تعدا عليه في بلاصت الوضوء ديال الجامع.
دابا نايضة روينة في مواقع التواصل الاجتماعي في مصر، وكيطالبو المصريين ينزلو أقصى العقوبات على المتهم.
