وكالات//

المحكمة الفيدرالية فأمريكا حدّدت نهار 5 أكتوبر 2025 باش تنطق بالحكم النهائي فحق مغني الراب شون “ديدي” كومبس، بعدما تحكم عليه فـقضية بتهمة الدعارة. ومن جهة أخرى، تحيدات عليه ثلاث تهم خرا، من بينها الاتجار فالبشر والتآمر على الابتزاز.

المحاميين ديالو كانو طالبو بتقديم الجلسة وتسريع الإجراءات، ولكن فالأخير، الطرفين توافقو يبقاو على التاريخ الأصلي ديال النطق بالحكم.

القاضي أرون سوبرامانيان قال باللي المدة اللي قضاها “ديدي” فالحبس غادي يتم احتسابها فالحكم، ولكن رفض يطلق سراحو بكفالة، وعلّل هاد القرار بلي كيشوف أن المتهم “ماحترمش القانون” وتعاملو معاه كان فيه نوع من الاستهتار.

ديدي ممكن يواجه حكم بالسجن يوصل حتى لـ20 عام، إلى تحكم عليه بأقصى العقوبات وبنظام العقوبات المتراكمة.