الرئيسية > آش واقع > القضية فيها فلوس صحيحة.. الجدارمية ديال فاس طيحو ريزو كيزور الفاكتورات للتهرب الضريبي
19/06/2021 16:20 آش واقع

القضية فيها فلوس صحيحة.. الجدارمية ديال فاس طيحو ريزو كيزور الفاكتورات للتهرب الضريبي

القضية فيها فلوس صحيحة.. الجدارمية ديال فاس طيحو ريزو كيزور الفاكتورات للتهرب الضريبي

مصطفى المزابي -كود فاس //

عناصر المركز القضائي وعناصر الفصيلة القضائية بالقيادة الجهوية للدرك الملكي بفاس فككات صباح اليوم السبت عصابة اجرامية متخصصة فتزوير أختام و فواتير كتخص التهرب الضريبي للمقاولين، وتم توقيف 5 اشخاص بمركز فاس ومركز بنسودة وحجز مجموعة من المعدات كتستعمل فعملية التزوير.

وقالت مصادر لـ “كود” ، ان هاد العصابة كتصنع فواتير كتبرر بيهم نفقات وهمية لاسترجاع القيمة المضافة من عند مقاولات، وتفرشات فاش تقدم تاجر الى وكيل الملك بفاس بشكاية ، فيها بأن فواتير تجارية مزورة صدرت باسم وطابع شركته واخا الشركة ماصدرات حتى فاتورة وترتب على هاد الرواج التجاري ضربة صحيحة بلغ مجموعها 100 مليون سنتيم كل عام.

والتحقيق اللي دارتو عناصر الضابطة القضائية المكلفة بالبحث كشف عن تورط مجموعة من الاشخاص ،حيث تم توقيف 5 اشخاص وحجز 8 حواسب، مجموعة من الفواتير، وفلوس..

ودارو المتهمين تحت تدابير الحراسة النظرية ومازال الجدارمية غادي يوقفو باقي الشركاء، بعدما بزاف جاو لمركز الدرك باش يقدمو شكايات فحق هاد العصابة.

موضوعات أخرى

27/07/2021 21:30

شيافر الطاكسيات فمكناس كاعيين بسباب قرار جوج بلايص.. وشيفور لـ”كود”: مكرفصين ومتضررين ماديا ومول الطاكسي مايعقلش عليك وغيبغي روسيطتو كاملة