وكالات //

قررات محكمة الاستئناف في العاصمة المصرية القاهرة أنها تأيد الحكم الصادر ضد المؤثرة المشهورة سوزي الأردنية، وغادي تضرب بعامين ديال الحبس، كيفما جا في الحكم الابتدائي.

وهاد البلوغر والمؤثرة المصرية، شدوها بعدما تاهموها بأنها سبات وعايرات باباها بمعيور خايب بزاف، واستاغلات خوها لي عندو إعاقة باش تحقق الأرباح من الإنترنيت.

في تصريح ليها للصحافة المصرية، قال محامي الدفاع على سوزي، محمد الصفتي، إن المحكمة نزلات عليها غرامة مالية كبيرة القدر ديالها هو 300 ألف جنيه.

وكانت المحكمة صدرات هاد الحكم بعدما تاهموها بـ”سبّ والدها على الهواء بألفاظ خادشة للحياء العام، واستغلال شقيقها من ذوي الهمم، لتحقيق الأرباح والمشاهدات”.