الرئيسية > تبركيك > القضية فيها الحشيش وتبرزيط الجيران.. فتيحة مولات روتيني اليومي اللي سلخها راجلها ف”لايڤ” شدوها الجدارمية
14/02/2021 13:00 تبركيك

القضية فيها الحشيش وتبرزيط الجيران.. فتيحة مولات روتيني اليومي اللي سلخها راجلها ف”لايڤ” شدوها الجدارمية

القضية فيها الحشيش وتبرزيط الجيران.. فتيحة مولات روتيني اليومي اللي سلخها راجلها ف”لايڤ” شدوها الجدارمية

نجوى المالحي-كود//

واحد السيدة سميتها فتيحة، كانت تشهرات بزاف العام اللي فات بعدما ضربها راجلها في المؤخرة ديالها بموس حيت كدير فيديوهات ديال “روتيني اليومي”، وكانت عاودات دارت البوز هاد العام بقصة حزينة اخرى لي هي ضرب راجلها ليها مباشرة في لايڤ كانت دايراه على مواقع التواصل.

وهاد المرة عاوتاني رجعات فتيحة للواجهة وماشي بحاجة زوينة، فتيحة شدوها الجوندارم التابعين لسرية عين عودة البارح بعدما وصلاتهم شكايات من عند جيرانها لي قالو أنها كتبرزطهم وماكتحتارمش حق المعيشة المشتركة في السكن الاقتصادي، زيد عليها كيشمو ريحة الحشيش ومع ديور مقاربين الدراري الصغار كيتهلكو بالريحة.ج، وحتى لا هضرو معها، قالو انها كتهددهم وكتسبهم.

وكاين مصادر كتقول انه فاش جا الباشا باش يشوف شنو واقع، قلباتها معاه سبان وولات القضية فيها السب والشتم والتهديد.

الاعتقال تم البارح السبت والعربون غادي يبان هاد اليوماين.

موضوعات أخرى