وكالات//

رئيس بلدية نيويورك عين أول مسؤولة المهمة ديالها الوحيدة لي خاص تركز فيها هي تقضي على الفيران والطوبات لي ولات منتاشرة بطريقة خيالية.

المسؤولة سميتها كاثلين كورادي، موظفة سابقة في وزارة التعليم، الصفة ديالها دابا هي “مديرة التصدي للقوارض”، وأكدات أنها غادي تحزم لهاد الحيوانات باش تقضي عليهم بمرة.

المسؤولين ديال المدينة قالو أن سبب انتشار هاد الفيران والطوبات هو أيامات كورونا لقاو الزناقي خاوين وخرجو باش ياكلو داكشي لي مليوح فوق تروتوار، زيد عليها مالين المحلات كيجمعو زبلهم ويحطوه قدام المحلات عوض يخشيوهم في طارو مباشرة.

دراسة سابقة دارت في 2014 قالت إن عدد الفيران والطوبات في نيويورك وصل 2 مليون، بحالا كين فار لكل 4 ديال الناس.