وكالات//

علنو البوليس ديال الجزائر الثلاثاء، أنهم شدو واحد السيد كان حابس جارو من هادي 30 عام.

على حساب مانقلات الصحافة ديال الجارة الشرقية، فهاد السيد عندو كثر من 40 عام، وكان حابسو من هادي 30 سنة، في ظروف خايبة بزاف.

وقالت كذلك، أن البوليس لقاوه في حالة خطيرة بزاف، ضفارو كبار وشعرو طويل وموسخين وحالة كارثية، وحتى الوضعية العقلية ديالو ماشي هي هاديك.

القضية نوضات روينة في الجزائر ونقلاتها الصحافة العالمية، ودابا السلطات كتقول أنها شدات المتهم، وغادي تحقق معاه في الواقعة.