الرئيسية > آش واقع > القضاء الصبليوني وافق على طرد الحراكَة من سبتة ومليلية
20/11/2020 09:30 آش واقع

القضاء الصبليوني وافق على طرد الحراكَة من سبتة ومليلية

القضاء الصبليوني وافق على طرد الحراكَة من سبتة ومليلية

كود- وكالات//

وافقات المحكمة الدستورية السبليونية على إبعاد الحراكَة من سبتة ومليلية المحتلتين، بحيث علنات فبيان ليها أنها صادقات على القانون 2015 المتعلق بأمن المواطنين، بما في ذلك إعادة المهاجرين غير الشرعيين اللي كيقطعو الحدود من المغرب.

وقالت المحكمة بأن النظام الخاص بسبتة ومليلية بالإعادة القسرية على الحدود للأجانب الذين يحاولون الدخول بشكل غير قانوني كيتوافق مع مبادئ المحكمة الأوروبية لحقوق الإنسان، غير خاص عملية الطرد تحترم للضمانات المقدمة للأجانب بموجب المعايير الدولية التي اعتمدتها إسبانيا، مع الاهتمام بالأشخاص الضعاف بحال القاصرين والنساء الحاملات.

لكن فالمقابل، المنظمات غير الحكومية كتنتقد هذشي بشكل كبير، وكتعتبرو انتهاك لحق المهاجرين في طلب اللجوء.

وهذ الإجراء كيهم غير سبتة ومليلية اللي وصلو ليها هذ العام غير 1500 مهاجر سري، وهو رقم اقل من 70 فالمية بالمقارنة مع العام اللي فات، والقرار مكيهمش جزر الكناري واخا وصلو ليها هذ العام أكثر من 16 الف و700 مهاجر، وهو عدد كبر من 11 لمرة من الرقم اللي تسجل لعام اللي فات.

موضوعات أخرى

25/11/2020 11:30

العربي ولد النص” الخبير العسكري السابق فجيش البوليساريو فحوار خاص مع “كود”: المغرب فطريقو لكسب الرهان بالسلم.. والحرب ماشي فمصلحة الجميع

25/11/2020 10:30

خنقاتها وكواتها قبالت خوتها وباها. فيديو صادم ديال أم كتعذب بنتها فالعرايش رون فيسبوك.. والأمن كيحقق مع المشتبه فيها