الرئيسية > كود سبور > القسم الثاني. ٱش واقع لفريق ازمور.. شباب المحمدية خسر والكاك منع
05/10/2019 20:20 كود سبور

القسم الثاني. ٱش واقع لفريق ازمور.. شباب المحمدية خسر والكاك منع

القسم الثاني. ٱش واقع لفريق ازمور.. شباب المحمدية خسر والكاك منع

كود سبور//

ٱش واقع للاتحاد الزموري للخميسات، لي غادي غير فالخسران هاد ليامات، خصوصا فالتيران ديالو.

بعدما خسر مع بنگرير فالدورة الثانية، عاد ارجع فالتيران ديالو ضد شباب أطلس خنيفرة فالماتش لي دار فملعب 18 نونبر فالخميسات برسم الدورة الرابعة من البطولة الوطنية الاحترافية لأندية القسم الثاني في كرة القدم.

الفريق الزموري كيحقق نتائج مزيانة فكأس العرش وفالبطولة عاطيها الخسرات. وربما هاد الوضعية غادي تخلي المدرب توفيق المرابط يراجع أوراقو قبل ما يفوت الوقت.

شباب المحمدية تقدر تطير ليه الصدارة بعدما خسر أمام النادي السالمي بجوج لواحد. فريق ايت منا ضيع ربح كان فالمتناول.

النادي القنيطري فلت من الخسرة بعدما ماركا التعادل فالوقت الميت ضد المغرب الفاسي.

الكوكب المراكشي تعادل برا ضد شباب الريف الحسيمي، وهو الماتش الأول المدرب حسن أوغني مع الفريق المراكشي.

الدورة الرابعة غادي تكتمل غدا الأحد بإجراء مباراتي شباب بنگرير وجمعية سلا ووداد فاي واتحاد سيدي قاسم.

وها النتائج الدورة الرابعة

شباب الريف الحسيمي – الكوكب المراكشي 1-1

الاتحاد الزموري للخميسات – شباب أطلس خنيفرة 0-1

النادي الرياضي السالمي – شباب المحمدية 2-1

النادي القنيطري – المغرب الفاسي 1-1

الراسينغ البيضاوي – أولمبيك الدشيرة 0-0

وداد تمارة – الاتحاد البيضاوي 1-2

موضوعات أخرى

11/07/2020 19:30

سب الحقوقيين ووصف الضحية ب”الطوبة”.. روينة نايضة بعد متابعة حقوقي متهم باغتصاب قاصر حملات فحالة سراح.. والمحكمة غاتراجع قرارها

11/07/2020 19:00

وعي الشعب المغربي مايمكنش تعول عليه بلا ماتحط ليه القايد والمخازنية عند راسو باش يسوقوه نحو خلاصه، أما غير هاكة بوحدو مطلوق وتسناه يدير الكمامة ويحتارم الإبتعاد الإجتماعي فراه مستحيل

11/07/2020 17:30

الوضعية الوبائية لفيروس كورونا فهاد 24 ساعة: 214 تصابو و238 تشافاو و2 ماتو.. الطوطال: 15542 مصاب و12065 متعافي و245 متوفي و3232 كيتعالجو