كود – بني ملال //

قرّرات السلطة المحلية بقيادة أفورار إقليم أزيلال  تحبس القراية اليوم الاثنين 15 دجنبر 2025، بسبب الجو  المقلب والشتا المجهدة والفيضانات لي عرفتها المنطقة لبارح .

أفورار وتيموليلت والمناطق الي حداهم  دوزو  ليلة  صعيبة، مورا  الشتيان الرعدية  لي طاحت ، واللي تسبّبات فسيول  دمرات بزاف د الأحياء ، زيد عليها  تقطعات  الطريق الوطنية رقم 25، وخلات اضرار  بزاف  فالشوارع  هادشي الشي اللي خلق روينة  فالحركة ديال السير

اما  المياه فدخلات  لعدد من الديور، خصوصاً فحي اللوز وتكانت، وخلاّت الرعب  وسط الساكنة، ولكن مكانوش وفيات أو أضرار معنوية ،  السلطات والمصالح المعنية دارو تدخلات أولية باش يحدو من الأضرار ، القراية لي غاتحبس  كتبقى إجراء احترازي لحماية التلاميذ والأطر التربوية، بينما تقاد  الظروف الجوية وترجع الأوضاع لطبيعتها.