كريم الصوفي – كود//

[email protected]

نفى موقع القناة اللولة الإسبانية داكشي للي جا ف قصاصة تناقلتها عدد من المواقع الشعبوية حول تورط قاصر مغربي ف عمليات اعتداء بالسلاح الأبيض واللي استهدفات 6 ديال الضحايا قدام بواط ف سيردانيولا ديل فاليس ببرشلونة، وهي الواقعة اللي تم توثيقها ف مقطع ڤيديو انتشر ڤيرال ف سوشيال ميديا.

وحسب المصدر ذاته، الواقعة حقيقية لكن طرات خارج ملهى ليلي بالما دي مايوركا ف الساعات اللولة من يوم 11 فبراير الحالي، حسب الشرطة الوطنية اللي خرجات بلاغ ما ذكراتش فيه جنسية المعتدي المزعوم. وقالت القناة الإسبانية، إن “نشر محتوى خارج السياق على الشبكات الاجتماعية ممارسة شائعة بين المضللين الذين يسعون إلى نشر خطاب الكراهية والعنصرية”..