سامي العلوي -كود برشيد//
طارق القاديري رئيس جماعة برشيد وبرلماني الإقليم داير روينة ما بعدها روينة فهاد المدينة لي راها سايرة كتغرق.
مناسبة هاد الكلام هو الفيديو لي خرج به واحد المستشار فالمعارضة كيهضر على طارق القاديري وقال بللي بغا يحول قنطرة من بلاصة لبلاصة فخرق سافر للقانون والأعراف.
وهاد المستشار كيطالب بلجنة ديال تقصي الحقائق باش توقف على هاذ الوضع بعدما حول رئيس البلدية القادري مول برشيد قنطرة من شارع عبد الله القاديري الشارع سلامة.
دبا راه مدينة برشيد كتتراجع بشكل تدريجي وخاصة بعدما بان أن رئيس الجماعة معارفش أش دير، حيت هو تعرف اركب على الموجة بحيث حطم الأرقام القياسية بالتصاور فالفيس بوك.. دبا واش باغي ادير البوز في مواقع التواصل الاجتماعي ومخلي لمدينة غادية للور .
الناس في مدينة برشيد كاعية على التسيير الانفرادي ديال الرئيس وكتطالب بإيفاد لجنة مركزية باش تشوف هذا الروينة لواقعة في عاصمة اولاد حريز .
