الرئيسية > الزين والحداكة > الفيلم “ميوپيا” ديال سناء عكرود غادي يخرج ف ميريكان قبل من المغرب – تدوينة وتصاور
04/03/2021 18:00 الزين والحداكة

الفيلم “ميوپيا” ديال سناء عكرود غادي يخرج ف ميريكان قبل من المغرب – تدوينة وتصاور

الفيلم “ميوپيا” ديال سناء عكرود غادي يخرج ف ميريكان قبل من المغرب – تدوينة وتصاور

نجوى المالحي – كود //

كشفات الممثلة والمخرجة المغربية سناء عكرود أن عرض فيلم “ميوپيا” اي قصر نظر، غادي يتم توزيعو قريبا في ميريكان، وغادي يكون بإمكانية الناس لي ساكنين تما يتفرجو فيه عبر برنامج غادي تشاركو مع المهتمين قريبا.

ووضحات عكرود لي مستقرة في كندا، عبر تدوينة وتصاور نشراتهم في حسابها على انستگرام، أن الفيلم غادي يتعرض في المغرب بعدما يتحلو قاعات السينما لي مسدودين من نهار دخلات جايحة كورونا لبلادنا، هادي عام تحديدا.

وكان بزاف ديال الجدل رافع سناء عكرود بعدا تم تسريب فيديو من الفيلم كتقول فيه “كنحس بحال إلى الله نسى مادازش على القرية ديالنا”، ووضحات المخرجة والممثلة في أول خروج إعلامي سابق ليها مع “كَود” سبب استعمال هاد العبارة والمغزى منها بالقول: “البطلة فاطم اللي تلفظات بهذ الهضرة كتقصد بالله اللي نساها زعما جنودو اللي نساوها أو هملو حقها فالوجود كأي إنسان حر، كتعاتب بكلامها الله لأنه وملاذها وكل ما لديها، بالنسبة ليا عمري ما شفت شي طريقة في التعبير عن حب لله أكثر رقة من طريقة فاطم “.

https://www.instagram.com/p/CL4C-gNJ2D_/?utm_source=ig_web_copy_link

موضوعات أخرى

21/04/2021 19:10

قضية الممثل الدزايري والمؤثر المغربي اللي مشدودين بسباب إهانة دراري مغاربة ف مراكش.. المتهمين خداو التنازل من عائلات الضحايا والملف دخل للمداولة