كود سبور//

قرر الاتحاد الدولي لكرة القدم، تعليق أنشطة الاتحاد الكونگولي للعبة، واللي المنتخب ديالو كاين مع المنتخب المغربي فنفس الگروب ديال إقصائيات كاس العالم 2026.

وتوصل جورنال “گود” بمراسلة الاتحاد الدولي لكرة القدم إلى الاتحاد الكونگولي يخبرهم فيها بتعليق أنشطة كرة القدم الخاصة بالكونگو برازافيل حتى إشعار لاحق، وذلك ابتداء من اليوم الخميس 6 فبراير 2025.

وبهذا فالمنتخبات ديال الكونگو والأندية ديال الكونگو، غاتكون ممنوعة من المشاركة في أي مسابقات أفريقية أو دولية، ومن بينها إقصائيات كاس العالم 2026.