گود سبور//

تأكد الخبر اللي كان نشر جورنال “گود” قبل أيام على الاتحاد الدولي لكرة القدم، متبع حادث العنصرية اللي وقع فالماتش الودي بين الصبليون ومصر قبل أيام، واللي وجهو فيه شي مشجعين إسبان هضرة عنصرية ضد المسليمن .

وفتح الاتحاد الدولي لكرة القدم تحقيق فالماتش بين اسبانيا ومصر، بسبب العنصرية الصادرة عن مشجعين إسبان فتيران اسبانيول فبرشلونة، وبالمقابل كايوجدو الاتحاد الإسباني لكرة القدم الدفعات ديالهم باش يدافعو على ريوسهم.

هذه الأمور كاتأثر بزاف على إسبانيا ومنافستها للمغرب على تنظيم نهائي كاس العالم 2030، حيث العنصرية فالتيرانات الاسبانية ولات كثيرة والفيفا ما كايتسامحوش مع هذا الشي، والملاعب المغربية ما فيهاش هذا الشكل ديال العنصرية، زائد ان هذه العنصرية غادي تولي يخلي المواهب مزدوجة الجنسية فاسبانيا تهرب من اختيار المنتخب الاسباني، خصوصا بعد الحادث اللي تعرض له لامين يامال المغربي الأصل النجم الاول لمنتخب اسبانيا واللي سبوه مشجعين اتليتيكو مدريد وقالو له “انت خايب سير رجع بحال للمغرب”.