گود سبور//
علنو الاتحاد الدولي لكرة القدم، أنهم غادي يديرو تعديلات على بيع تذاكر مونديال كأس العالم 2030، استجابة لمطالب الجمهور، بعد موجة الانتقادات والغضب الكبيرة اللي تعرضو ليها الفيفا بسبب لغلا ديال التذاكر فمونديال 2026، والآثمة الطالعة اللي عمرها ما كانت من قبل.
ووضح الأمين العام للاتحاد الدولي لكرة القدم ماتياس گرافستروم خلال اختتام فعاليات مؤتمر “الفيفا” فمدينة فانكوفر الكندية بخصوص غلاء الأسعار فمونديال 2026، وقال ان هذا الشي كايعكس بشكل دقيق “واقع السوق فأميركا الشمالية”، وقال انه كايتفهم ديما آراء مواقف الجماهير الغاضبة.
وأكد الأمين العام د الفيفا أنه كاين تفاوت فأسعار التذاكر باش تناسب فئات مختلفة، وأن “الفيفا” متبعين باهتمام كبير ليكومونطير د الجمهور وكياخدوها بعين الاعتبار.
وكاتعرف مصاريف السفر لميريكان وكندا والمكسيك لحضور مونديال 2026 ارتفاع كبير وبزاف، لدرجة انه غير التنقل فالتران من نيويروك لتيران نيوجيرسي فالمونديال غادي يكون واصل 100 دولار، أما التذاكر شاعلة فيهم العافية.