كود سبور//

قرر الاتحاد الدولي لكرة القدم معاقبة منتخب كندا للسيدات، عقوبة قاسية بسبب حدث التجسس على الخصم ديالو فالافتتاح ديال أولمبياد باريس2024، منتخب نيوزيلندا.

وعاقب الاتحاد الدولي لكرة “الفيفا”، منتخب كندا بخصم 6 النقاط من الرصيد ديالو، بسبب طائرة الدرون اللي حصلت كتجسس على تداريب منتخب نيوزيلندا قبل ماتش المنتخبين، مع توقيف مدربة كندا للسيدات بيف بريستمان لعام.

وكانت اللجنة الاولمبية الكندية حيدات مدربة كندا من الاولمبياد بعد قرار الاتحاد الكندي لكرة القدم توقيفها بسبب الفضيحة اللي تفرگعات ديالو طيارة الدرون، وهذا الشي قبل من الماتش ديال المنتخبين اللي ربحو فيه الكنديات النيوزيلانديات بنتيجة 3 لواحد.