گود سبور//

قرر الاتحاد الدولي لكرة القدم يزيد فالبريمات اللي كايعطي للمنتخبات المشاركة فالمونديال، وهاذ الشي استعدادا لكاس العالم 2026.

واعلن الاتحاد الدولي لكرة القدم، أنه زاد فالبريمات المخصصة لجميع المنتخبات الـ48 المشاركة فالمونديال بنسبة 15% بمجموع 871 مليون دولار.

وغادي يفرق الاتحاد الدولي لكرة القدم هاذ الفلوس على شكل فلوس ديال الاستعدادات بزيادة من 1.5 مليون دولار حتى 2.5 مليون دولار.

وبريم التأهل بزيادة من 9 مليون دولار حتى 10 مليون دولار، وغادي يدعمو الفيفا تكاليف بعثة المنتخبات وزيادة مخصصات تذاكر المنتخبات بكثر من 16 مليون دولار.

وكايجيو هاد القرارت من الاتحاد الدولي لكرة القدم، باش يخففو تكاليف المشاركة فمونديال 2026، خصوصا وأنه كاين لغلا فالميريكان.