گود سبور//

كبرات الأزمة بين الاتحاد الدولي لكرة القدم والاتحادات الأوروبي والآسيوي وشمال أمريكيا ووسط أمريكا، حيث الفيفا باغيين يحولو كاس العالم لشركة ويبيعو الأسهم ديالهم لمستثمرين، والاتحادات القارية بثلاثة المذكورين رافضين هذا الشي ومعارضينو وانتاقدوه، واتهمو الفيفا بأنهم كايفكرو غير فالفلوس وباغيين يبيعو ويشريو فالكورة.

الاتحاد الدولي لكرة القدم خرجو يدافعو على ريسوهم، وردو فبلاغ لهم أكدو فيه أن مشروع تحويل كاس العالم لشركة خاص گاع الاتحادات يراجعوه، وأكدو: “حتى حد ما غادي يبيع الكورة، والفيفا عمرها ما غادي تدير هذا الشي”,

وكملو الفيفا وقالو بخصوص معارضة الاتحادات القارية المذكورة: “كانحتارمو الآراء والمخاوف اللي تم التعبير عنها علنا، وكانأكدو التزامنا بالمشاورات الشفافة والديمقراطية”.