گود سبور//

رد الاتحاد الدولي لكرة القدم، على الاحتجاجات ديال الجماهير اللي كايقولو ان تذاكر كاس العالم 2026، غاليين عليهم وقال انه توصل برقم قياسي ديال المشجعين اللي باغيين يشريو.

وأعلن الاتحاد الدولي لكرة القدم، انه توصل بـ5 المليون طلب شراء تذكرة ديال كاس العالم 2026 اللي غادي تكون فـ ميريكان وكندا والمكسيك، وغير فـ أول 24 ساعة، وهذا الشي بعدما تعرفو ماتشات دور المجموعات، والمشجعين اللي طلبو التذاكر راهم كاينتاميو لأكثر من 200 دولة.

وحسب الاتحاد الدولي فالارقام الاولية تشير إلى إقبال كبير على مباريات دور المجموعات، بحال مباراة كولومبيا والبرتغال (ميامي، 27 يونيو) اللي هي اكثر المباريات طلبًا خلال فترة القرعة العشوائية حتى لدابا، ومن الخمس ماتشات الاكثر طلبا كاين مباريات البرازيل والمغرب (نيويورك، نيوجيرسي، 13 يونيو)، والمكسيك وكوريا الجنوبية (غوادالاخارا، 18 يونيو)، والإكوادور وألمانيا (نيويورك، نيوجيرسي، 25 يونيو)، واسكتلندا والبرازيل (ميامي، 24 يونيو)، والتي تضم تسعة فرق من خمس قارات مختلفة.