كود – swissinfo //

علنات الوكالة الوطنية لإدارة الكوارث فإندونيسيا (BNPB) اليوم السبت  13 ديسمبر بلي  الفيضانات والانهيارات الأرضية اللي ضربات البلاد مؤخرا، خصوصاً مقاطعات شمال وغرب سومطرة وآتشيه، ماتو فيها 1003 قتيلاً، وباقي 218 شخص مودرين ،الفيضانات سببات حتى فإصابة أكثر من 5400 واحد، وكاينة تقريبا 1.2 مليون نسمة مضطرين يبقاو فالملاجئ المؤقتة.

هاد الكارثة جات مع موجة ديال عواصف استوائية وشتيان موسمية فجنوب شرق آسيا، بما فيها إندونيسيا وماليزيا وتايلاند، وحتى فجنوب آسيا (سريلانكا)، اللي سببات انهيارات أرضية وفيضانات مفاجئة ،وكتعتبر هادي من أسوأ الكوارث اللي ضربات سومطرة فالسّنين الأخيرة، خصوصاً آتشيه اللي دمرها  التسونامي فـ2004.

من ناحية التكاليف، ممكن توصل إعادة الإعمار لـ51.82 تريليون روبية، يعني  3.1 مليار دولار أمريكي ،الحكومة الإندونيسية تعرضات لانتقادات حيث ما صرّحاتش بحالة الكوارث الطبيعية، اللي كانت غتسرّع جهود الإغاثة وتحسن التنسيق، وحتى ما طلباتش مساعدات دولية على عكس سريلانكا.