وكالات//

داير ميريكاني البوز على فيسبوك بسباب فيديو غريب كيبان فيه وهو كيستعمل تمساح باش يحل بيه البيرة ديالو.

وكيبان في الفيديو لي المدة ديالو نص دقيقة هاد الراجل الميريكاني من ولاية فلوريدا وهو راكب على واحد الفلوكة، وكيتسخدم تمساح باش يحل لي القرعة.

الفيديو لي جاب 2 دالمليون ديال المشاهدات كيبان فيه هاد الرجل وهو كيخشي يديه في الما باش يجذب التمساح، ومن بعد كيستخدم السنان ديالو باش يحل القرعة.

ومن بعد بداو صحابو كيحتافلو بالطريقة الغريبة باش حلو بيها الكانيطة ديال البيرة.