عثمان الشرقي ݣود//

الفنان الشعبي والأمازيغي لحسن الخنيفري خرج ففيديو جديد الأسبوع اللي فات وقال للجمهور ديالو بأنه قرر يأجل جميع السهرات والمهرجانات اللي كان مبرمج لها، وما عطاش تاريخ محدد باش يرجع، وكيجي هاذ القرار، حسب متابعي الخنيفري، بسباب الظروف الراهنة.

الخنيفري كان القرار ديالو ماشي متسرع ولكن بزاف دالمتابعين قالو بللي جا تقديراً للوضع اللي كتمر منو البلاد، وحيث بغى يحافظ على سلامة الجمهور ويكون منساجم مع التوجيهات الرسمية.

الفنان حسب مصادر طلب من الناس يفهمو القرار ديالو ويصبرو شوية، ووعدهم أنه غادي يرجع يحيي السهرات ديالو في أقرب وقت ممكن وبنفس الحماس ولينريجي اللي كان كيعطي فالليالي السابقة.

الجمهور اللي متابعو على مواقع التواصل عبر على دعمو الكبير، وكيتمنى يشوفوه قريبا ويرجع للفرجة والفن الشعبي اللي كيعشّقوه بزاف دناس، خصوصاً مع الأغاني ديالو وتشكيلة الشيخات الصف الأول لي كتميز بها الفرقة ديالو اللي كتجمع بين التراث والروح الأمازيغية اللي ديما ميزت لحسن الخنيفري.