وكالات//

الفنانين ديال مصر اتحدو باش يدعمو بنت بلادهم الفنانة شيرين، على حسب ما علن عليه مصطفى كامل نقيب الفنانين المصريين.

مصطفى كامل قال إنه تشاور مع الفنانين وقرر هو وأنغام ورامي عياش لي جا من لبنان باش يديرو زيارة لشيرين، ولكن جهات رسمية قالت ليهم إن زيارتها ممنوعة في هاد الفترة.

مصطفى كامل قال إن الملف تاع شيرين عند النيابة العامة، وحتى الطبيب لي كيعالجها من الإدمان دخل في إطار الخصوصيات، وحتى واحد ما عندو الحق يعرف عليها حتى معلومة في هاد الفترة على الأقل.

النقيب ديال الفنانين في مصر قال إنه تواصل مع عائلتها باعتبارها الجهة الوحيدة لي عارفة الحالة الصحية والنفسية ديال بنتهم، وأكد ليه خوها أن الوضعية الصحية ديالها صعيبة بزاف وطلب من الناس يعاونوها بالدعاء.

وقال مصطفى كامل باللهجة المصرية “شيرين لو شاورت احنا معاها”، واعتبر أن كاع الفنانين الموسيقيين في مصر واقفين معاها، وأول ما تكون الزيارة ممكن غادي تمشي عندها النقابة.