كود -وكالات//

بعدما خلات وراها مسيرة فنية استثنائية، ؤ ولات من أشهر الأسماء فالفن المعاصر العالمي توفات الفنانة كوساما على 97 عام.

الفنانة اليابانية، اللي تزادت ف 1929 فمدينة ماتسوموتو، بدات كترسم وهي صغيرة، واشتهرات خصوصاً باستعمال النقط بشكل دايم، اللي ولات العلامة المميزة ديالها وواحد من رموز الفن السايكيدلي.

حياة كوساما ما كانتش سهلة، حيث عاشت الحرب، ومشاكل عائلية، وهلوسات واضطرابات نفسية من طفولتها، وكانت كتعتبر الفن وسيلة للبقاء والتعامل مع هاد المعاناة، وحولات التجارب ديالها لأعمال عامرة بالألوان والأشكال .

فأواخر الخمسينيات، هاجرات الفنانة للمريكان، فين دخلات عالم الطليعة الفنية فنيويورك، وجربات الرسم، النحت، التركيبات الفنية، الأداء، الموضة والسينما، وأعمالها خلات تأثير على فنانين كبار بحال آندي وارهول.

من أشهر أعمالها سلسلة My Eternal Soul، اللي فيها 900 طابلو، عاد أعمال النقط والمرايا والقرعة الكبيرة الشهيرة، وعرضات أعمالها فمؤسسات عالمية كبيرة، وخدات عليها جوائز وتكريم ات، بعدما خلات بصمة قوية فالفن المعاصر.