وكالات //

خلق نجم البوب جاستن بيبر الجدل من جديد بعدما فقد الأعصاب ديالو وتفركع بالغضب ف وجه مصوري المشاهير، اللي كانو كيتبعوه ملي خرج ياخد قهوة مع صحابو.

وعبّر بيبر على الغضب ديالو بعدما صوّروه مصوري الباباراتزي و دارو ليه فيديوات وهو داخل للمقهى.

واحد من المصورين قال ليه: “صباح الخير”، وجاوبو جاستن بعصبية: “لا! ماشي صباح الخير! راك عارف هادشي. علاش نتا هنا؟”.

وهاجم المغني طريقتهم ف جمع الفلوس: “الفلوس، الفلوس، سير بحالك أخويا. الفلوس، هادشي اللي باغيين. ما كتهتموش بالبشر”.

هاد الواقعة جات من بعد ما اعترف جاستن مؤخرا بلي كيعاني من “نوبات الغضب”.

وف نهار 22 مارس، كتب على هاد المعاناة وقال: “حتى أنا كنعاني من نوبات الغضب، ولكن بغيت نكبر ونتفادى ردود الفعل المبالغ فيها”.