كود -ورزازت //

السينما المغربية حاضرة بجهد فالدورة 79 من مهرجان كان السينمائي بفيلم  (La Más Dulce) ديال المخرجة ليلى المراكشي، ، هاد الفيلم هو الوحيد فمنطقة mena  فالدورة 2026، وكيعطي حضور مزيان للمغرب ،وهاد المشاركة كتأكد رجوع ليلى المراكشي لكان من بعد تجربتها الأولى عام 2005، كيف ما كتبين المسار ديالها فالإخراج سوا فالمغرب ولا فالمشاريع الدولية ،الفيلم داز من مراحل تطوير مختلفة حتى وصل للإنتاج بدعم مشترك بين عدة دول.

القصة كتدور على جوج بنات مغربيات مشاو لإسبانيا يخدمو فالفريز باش يحسنو وضعهم، ولكن كيلقاو راسهم فظروف خايبة فيها الاستغلال وسوء المعاملة و من بعد ما كيتعرضو لمضايقات، و كيقررو يواجهو المشغلين ويرفعو دعاوى قضائية بمساعدة محامي وخا الريسك، الفيلم كيبين التناقض بين حلاوة الفريز ومرارة الواقع، وكيهضر على معاناة العاملات و الهجرة والإستغلال والصبر.