كود سبور//

صعيب يلعب الدولي الفرنسي كيليان مبابي مع منتخب فرنسا ضد المنتخب الهولندي الجمعة الجاي، برسم الجولة الثانية من دور مجموعات كأس أوروبا “ألمانيا2024” حيث تهرس فالنيف ديالو.

وكشفت شبكة قنوات RMC الفرنسية، أن الطاقم الطبي والتقني فالمنتخب الفرنسي، يتجه نحو إبعاد كيليان مبابي كابيتان منتخب فرنسا عن المشاركة فماتش منتخب هولندا، فالوقت اللي ما كاين حتى شي خبار على واش غايلعب الماتش اللي من وراه ضد منتخب بولندا ضمن الجولة الثالثة من مجموعات كاس أوروبا أو لا ما غايلعبش.

وتهرس كيليان مبابي النجم الجديد لريال مدريد الإسباني أول ماتش لمنتخب بلادو فكاس أوروبا 2024 المنظم فلالمان، وبالضبط فالشوط الثاني ضد النمسا ملي ضرب نيفو مع كتف واحد من لاعبين النمسا، وخرج مباشرة من المباراة ومشى للسبيطار وتماك تأكد طبيب المنتخب الفرنسي ان اللاعب تهرس من نيفو، ولكن ما محتاجش لعملية جراحية وغايديرو له ماسك، حسب ما أعلن عنه الاتحاد الفرنسي لكرة القدم.