گود سبور//

خلقت طريقة احتفال النجم المغربي أشرف حكيمي ملي ماركا للفريق ديالو باريس سان جرمان فكلاسيكو فرنسا على أولمبيك ليون ضمن منافسات البطولة الفرنسية، البارح الاحد الحدث وسط الفرنسيين.

وقالت جريدة “ليكيب” الفرنسية إن الطريقة اللي حرك بها أشرف حكيمي يديه احتفالا بالهدف اللي ماركاه لباريس سان جرمان كان كايصحابوها الجمهور ديال أولمبيك ليون كلاش لهم حيث سجل عليهم، ولكن الحقيقة بانت من بعد.

ووضحت الجريدة الرياضية الشهيرة، أن أشرف حكيمي كان كايقصد بالفرحة ديالو الستريمر المغربي إلياس المالكي، وهذاك كان ديديكاس من النجم المغربي للمؤثر ولد مدينة الجديدة، وماشي كلاش لجمهور ليون.

ونقلت “ماركا” الفرنسية، تصريح لأشرف حكيمي على الحركة اللي دار بيديه وهي طريقة ديال شطيح الشعبي المغربي، وقال: “هذاك كان ديديكاس لإلياس المالكي، اللي كان كايحتفل بهذه الطريقة فالـkings league، وبغيت نفرح بهذه الطريقة ملي نماركي”.