سامي العلوي -كود الحوز //

كشفت مصادر “كود “ان عناصر الفرقة الوطنية لابحاث القضائية التابعة لجهاز الدرك الملكي حطات جوج من هادوك لبتزو رئيس جماعة امزميز باقليم الحوز تحت تدابير الحراسة النظرية بسرية درك تحناوت بناءا على تعليمات وكيل الملك بمراكش على خلفية الشكاية التي تقدم بها الرئيس إلى الجهات الوصية بعدما تاصلو به او طلب منو 20 مليون سنتيم باش منشروش الفيديو ،مطالبا من خلال الشكاية بفتح تحقيق للوصول إلى من وصفهم بالمتآمرين خصوصا وأن الموضوع يمس حياته الشخصية .

المصدر ذاته تيضيف ان عناصر الفرقة الوطنية ديال الجندارم مزال تتبحت من جابو هادوك لي فالحراسة النظرية الفيديوهات الجنسية التي انتشرت على مواقع التواصل الاجتماعي مؤخرا ، وذلك بعدما انتقلت عناصر الضابطة القض المكلفة بالبحث الى منزل رئيس الجماعة ،وقامت باجراء تفتيش بمنزله ،كما استمعت الى شابة واستمعت الى هادوك الجوج لمبتزين الرئيس في انتظار الاستماع الى كل من شأنه اغناء التحقيق مع ربط الاتصال بالنيابة العامة ديال المحكمة الابتدائية بمراكش .

دابا لحد الان راه التحقيق غادي مزيان باش اوصل لي شكون صور هاد الفيديوات وشكون سربهم وذلك بعدما بدات القصية بتسوق بطريقة مبيتة ومدروسة او فيه ريحة انتقام سياسي. هو سبق رفع جلسة دورة فبراير العادية لسنة 2022، لأسباب وصفها بالشخصية مؤكدا تعرضه للتهديد من طرف أشخاص لا يريدونه رئيسا للجماعة السالفة ذكرها خصوصا وأن حزبه إكتسح إنتخابات 8 شتنبر.

دابا راه هاد الشي خطير. الدولة والقضاء طبعا قدامها تقطع مع هاد الممارسات ديال الابتزاز بسجن اللي سجل واللي سوق هاد الفيديوات عوض ديك التهم الغبية ديال الخيانة الزوجية ووو.

في هذا السياق بان نقاش عمومي مطروح على مواقع التواصل الاجتماعي لي طالب باش اكون اطلاح في القانون الجنائي ،او حنا دبا مقبلين على تعديل قانون المسطرة الجنائية ،