الرئيسية > تبركيك > الفرزيات فالحكومة. كيفاش بوريطة يتجول ويدخل وعمور خلاوها حاصلة فمدريد مع 47 مسؤول وكلشي على حساب الدولة
05/12/2021 11:00 تبركيك

الفرزيات فالحكومة. كيفاش بوريطة يتجول ويدخل وعمور خلاوها حاصلة فمدريد مع 47 مسؤول وكلشي على حساب الدولة

الفرزيات فالحكومة. كيفاش بوريطة يتجول ويدخل وعمور خلاوها حاصلة فمدريد مع 47 مسؤول وكلشي على حساب الدولة

احمد الطيب كود الرباط ////

البارح كان من المتوقع تجيب طيارة تابعة ل”لارام” وزيرة السياحة فاطمة الزهراء عمور مع 47 مسؤول ومستثمر فالسياحة من مدريد لكازا. كلشي كان موجد. لكن الدولة فاللخر دارت بناقص. اش وقع؟ حتى حد ما عارف.

دابا هاد 48 مسؤول كلهم عايشين ف5 ايطوال على حساب الدولة او بالضبط علي حساب المكتب الوطني للسياحة اللي كان دار عشا عرض فيه علي 500 شخص فهاد الحدث اللي كان خاصو يتنظم فمراكش.

الوزيرة مازال حاصلة فمدريد فالمقابل ناصر بوريطة وزير الخارجية والتعاون كيدور كيف بغى. وزارتو اللي كتعطي فهاد الفترة رخص دخول المغرب او الخروج منو.

يعني بوريطة سوبر وزير. فوق كلشي. البارح كان فروما للمشاركة فاطلاق برنامج حول الاصلاحات الباعثة للتغيير. ماشي شي حدث يستحق. مع ذلك طار لروما ورجع فطيارة خاصة.

علاش هاد لوزير رفض يعطي رخصة لزميلة بحالو وكيعطي غير راسو هاد الرخصة.

موضوعات أخرى