الرئيسية > كود-تيفي > الفردي باش تقتل أسطورة الويسترن “بيل ذا كيد” غايتباع بفلوس صحيحة – فيديو
29/07/2021 01:00 كود-تيفي

الفردي باش تقتل أسطورة الويسترن “بيل ذا كيد” غايتباع بفلوس صحيحة – فيديو

الفردي باش تقتل أسطورة الويسترن “بيل ذا كيد” غايتباع بفلوس صحيحة – فيديو

كود – وكالات //

الشهر الجاي غادي يدار الفردي باش تقتل “بيلي ذا كيد” (Billy the Kid)، واحد من أشهر المجرمين فـ غرب ميريكان فالقرن 19،
فالمزاد العلني.

وكان “بيلي” تقتل بالقرطاس، من طرف قائد الشرطة “بات كَاريت” عام 1881، بعدما طاردوه شهورا طوال.

وقالت دار “بونهامز” (Bonhams) للمزادات، أنه من المتوقع يجيب الفردي ديال “بات كَاريت” ما بين جوج مليون وثلاثة ملايين دولار، من بعدما وصفاتو بـ “الكنز الأكثر شهرة فالتاريخ القديم للغرب الأمريكي”.

وغايتحط هاد الفردي للبيع فمجموعة متنوعة من الأسلحة النارية اللي كاترجع لحقبة من ماضي الغرب الأمريكي، بالإضافة لحوايج خرى جمعوها الكوبل “جيم” و”تيريزا إيرل” هادي 50 عام.

ومات”جيم إيرل” ف2019، و من بعد قررات عائلتو تبيع الكوليكسيون ديالو.

وكان “بيلي ذا كيد” مطلوب فأريزونا ونيو مكسيكو من بعد ما قتل 8 أشخاص ، وكان البوليسي “كَاريت” تابعو و حاضيه لمدة طويلة حتى وصل لـ فيرما فـ “فورت سومنر” (نيو مكسيكو) وتيرا فيه بالقرطاس وقتلو، ف14 يوليوز 1881.

وهاد الشخصية ديال “بيلي” تدارو عليها بعض الأعمال و كتابات كثيرة، من بينها الوثائقي ديال المخرج “تود روبنسون” بعنوان “The Legend of Billy the Kid ” اللي خرج فـ 1994.

موضوعات أخرى

18/09/2021 13:30

جهة فاس مكناس.. انتخاب نوفل شباط رئيس لجماعة “برارحة” والفايق خدا الرئاسة فـ جماعة ولاد الطيب بالأغلبية ولعفو فـ جماعة عين الشقف والبوزيدي فـ تاونات