أنصار الخطاط ينجا ما خلاوش المؤتمر الإقليمي ديال حزب الإستقلال ينعاقد فالداخلة
كود الرباط//
نهار الخميس الفايت, عرفت المكتبة الوطنية حدث كبير حيث قام أول وفد ديال تجمع المهنيين ف اسرائيل بزيارة للمؤسسة لي كتجمع و كتسير فكر و ذاكرة المغاربة من 1922 .
المهم ان الوفد بان فرحان بالإستقبال لي تدار ليهم من المسؤول لاول محمد الفران مدير المكتبة الوطنية , لي خصص ليهم استقبال د رؤساء المؤسسات و البعثات و زيارة لبعض مرافق المؤسسة, و بينها مختبر الترميم د المخطوطات, لي رمم شي مخطوطات و دخائر مادايراش، ولي كتهضر على تاريخ التواجد اليهودي بالمغرب .
ف هاد الصدد, صرح مدير المكتبة الوطنية للزملاء ف قناة تمازيغت بلي الهدف من الجولة التفقدية هو إشوف الوفد مساهمة اليهود و المغاربة في الثقافة المغربية و إطلعو أيضا على الإرث لي كتقدمو المؤسسة للباحثين فيما يخص البعد اليهودي للثقافة المغربية .
من جهتو دافيد الكاف واحد من الوفد قال لنفس المنبر أن المغرب بلادهوم و بغاو السياح د اسرائيل إيجيو إشوفو فاش كنا عايشين مع المسلمين و كولشي مزيان معاهم .
الخطوة اللي دار الفران جاء في اطار الديبلوماسية الثقافية و على والخطوات الناحجة بقيادة الملك في قضية الصحراء واعادة الاعتبار للموروث الثقافي اليهودي.
طبعا هادشي جا في اطار اتفاقات 10 دجنبر 2020، لي توقعات بين الرباط وتل ابيب وواشنطن.