كود سبور//

مازال المعاناة ديال الفرق فالبطولة متواصلة بسبب التيرانات اللي مسدودين كايتصلحو، استعدادا لكأس إفريقيا 2025 وكأس العالم 2030، والفرق خاصهم يبقاو يقلبو فين يلعبو ويضربو الكيلومترات باش يستقبلو المنافسين ديالهم.

العصبة الوطنية لكرة القدم الاحترافية، خرجات برنامج الدورة 11 من بطولة القسم الأول، والمشكل ديال التيرانات مطروح تاني فجوج ماتشات، وخاص اتحاد طنجة يلقاو ملعب لاستقبال خصمهم المغرب التطواني فديربي الشمال، يوم السبت 23 نونبر2024، حيث التيران ديال طنجة مسدود وكايتصلح.

ونفس المعاناة عند الفتح الرياضي، اللي خاصهم حتى هما يلقاو تيران فين يدخلو المغرب الفاسي، فالماتش اللي برمجاتو لهم العصبة الوطنية لكرة القدم الاحترافية، يوم الاثنين 25 نونبر 2024، برسم الدورة 11 من البطولة.