كود سبور//

توصلو الفتح الرياضي والرجاء الرياضي لحل مع السلطات ديال مدينة القنيطرة، باش يحضر عدد محدود من جمهور الرجا للماتش بين الفريقين السبت الجاي.

وحسب الفتح الرياضي، فالماتش ضد الرجاء الرياضي، غادي يتلعب بعدد محدد من جماهير الفريق الأخضر على اعتبار أنه الفريق الضيف، وأنه تم تخصيص 800 تذكرة لجمهور الرجا.

وغادي يتباعو تذاكر جمهور الرجا فالدار البيضاء، مع العلم أن جمهور الفتح حتى هو غادي يحضر والتذاكر ديالو غايتباعو فالرباط فلاكاديمي ديال الفتح.

وكان الماتش بين الفتح والرجا قريب يتلعب بلا جمهور بين الفريقين، ولكن الطرفين قدرو يلقاو حل مع السلطات ويلعبو بعدد محدود ديال الجمهور.