كود سبور//

حددت المحكمة الرياضية الدولية موعد لأول جلسة فالنزاع بين الفتح الرياضي واللاعب السابق للفريق هيرفي گاي.

وحسب ما توصل به “گود”، فالمحكمة الرياضية الدولية “الطاس”، حددت يوم الأربعاء الجاي 6 نونبر 2024، كموعد للاستماع لأطراف النزاع بين الفتح الرياضي واللاعب الإفواري هيرفي گاي، واللي كان فسخ العقد ديالو مع الفتح ومشى للرجاء الرياضي واعتبرو الفيفا أن هذا الشي اللي دار قانوني، حيث ما توصلش بالمستحقات ديالو.

ومشاو الفتح الرياضي للطاس، كايطالبو بحقهم بعدما حكمت غرفة النزاعات فالفيفا لمصلحة اللاعب گاي هيرفي، مع إلزام الفتح الرياضي أنه يخلص قيمة العقد اللي كان داير مع اللاعب، مع العلم أن هيرفي مشى حتى من الرجا مع بداية هذا الموسم.