كود سبور//

خدامين باريس سان جرمان الفرنسي على التجديد مع الدولي المغربي أشرف حكيمي، باش يبقى معهم لأقصى مدة ممكنة.

وحسب الإعلامي الإيطالي فابريزيو رومانو، فإدارة باريس سان جرمان الفرنسي، خدامين على التجديد مع النجم المغربي أشرف حكيمي، وأكد أن اللاعب يعتبر من ركائز الفريق وداخل فمشروع الـPSG  طويل الأمد.

وغايسالي عقد أشرف حكيمي مع باريس سان جرمان مع نهاية هذا الموسم، وباغيين الفرنسيين يحسمو البقاء ديالو معهم وما يخليو حتى شي مفاجأة، خصوصا وأن أندية أوروبية كبيرة طامعين فخدمات النجم المغربي بحال الفريق السابق ديالو ريال مدريد.