كود سبور//

حاطين باريس سان جرمان الفرنسي العين على الدولي المغربي إلياس بنصغير نجم موناكو، وباغيين يجيبوه لعندهم يلعب مع المغربي لاخر أشرف حكيمي.

وكشف موقع PSG Inside Actu المتخصص في أخبار باريس سان جرمان، أن الأخير حاط العين على المغربي إلياس بنصغير والفرنسي وماگنيس أكليوش، وأن المفاوضات بدات بين PSG وموناكو باش يجيبو اللاعبين خلال الانتقالات الشتوية المقبلة، وأن موناكو حتى هما باغيين راندال كولو مواني وماركو أسينسو من باريس سان جرمان وهذا الشي يقدر يسهل إتمام الصفقات بين الجانبين.

ويعتبر إلياس بنصغير مول الـ20 عام، قوة ضاربة فالهجوم ديال موناكو الفرنسي، وماركا فهاد الموسم 7 ديال الاهداف، والحصيلة قابلة للارتفاع، ومتتبعين الكورة الأوروبية كايتسناو منو يكون لاعب كبير فالمستقبل.