گود سبور//

بداو باريس سان جرمان الفرنسي كايتحركو لدعم نجمهم الدولي المغربي أشرف حكيمي فـ سباق المنافسة على جائزة الكورة الذهبية الإفريقية لأحسن لاعب إفريقي لعام 2025، وحكيمي أكد أنه كايستاهل الجائزة.

ونشرو باريس سان جرمان الفرنسي حوار مع أشرف حكيمي على الموقع الرسمي للنادي، هضر فيه على الترشيح ديالو للتتويج بالكورة الذهبية الإفريقية، وقال: “ما كانفكرش فهاد الشي ديما، ولكن دبا ملي جاتني الفرصة ولى هذا الشي حلم، خدمت بالمعقول باش نربح الألقاب الجماعية والفردية، ودابا وليت من اللاعبين المرشحين باش يربحوها”.

وأكد أشرف حكيمي: “كايبان ليا بلي أنا من اللاعبين اللي كايستاهلوها بعد الموسم اللي قدمت وراني فرحان حيث أنا من المرشحين للتتويج بها”.

وغايعطيو الاتحاد الإفريقي لكرة القدم جوائز CAF awards يوم 19 نونبر 2025 بالمغرب، ومن أبرز المرشحين للتتويج بالكورة الذهبية الإفريقية المغربية النجم المغربي أشرف حكيمي.