عمـر المزيـن – كود///

علمت “كود” ان رئيس الإدارة الجماعية لمجموعة التهيئة العمران حسني الغزاوي، داير زيارات مفاجئة ومكثفة منذ الأيام الماضية إلى عدد من المشاريع اللي مكلفة بها المجموعة على المستوى الوطني.

وقالت مصادر مطلعة أن الغزاوي خدام على تنزيل الاستراتيجية اللي قادها انهار تعين فهاد المسؤولية، وأبرزها تحسين صورة المجموعة اللي كانت كلات لعصا بزاف في السنوات الماضية.

رئيس الإدارة الجماعية لمجموعة التهيئة العمران كيف شرحات مصادرنا غادي يلقا صعوبة في ورش الإصلاح اللي بداه حقاش ماشي من السهل ترجع الصورة ديال العمران كيف كانت، لكن، تقول مصادرنا أن مجهودات كبيرة تبذل حاليا ومنها إجراء تغييرها في مناصب المسؤولية بهدف ربط المسؤولية بالمحاسبة.

نقطة أخرى مركز عليها الغزاوي هي المقاولات اللي عندها شراكة مع المجموعة تتخلص ففلوسها ومكاينش التعطال كيف كان هادي سنوات.. معروف ان المقاولات ديما كيلقاو مشاكل باش ياخدو رزقهوم . كاين اللي سنوات طويلة ومزال كيساين لكن الغزاوي سالا مع هادشي واكد على أنه أي مقاولة تتخلص بلا تخربيق.