گود سبور//

صدمو العين الإماراتي هشام آيت منا رئيس الوداد الرياضي، وفشلت له الصفقة اللي كان طامع فيها باش يجيب اللاعب يحيى بنخالق للفريق الأحمر.

وبعد أيام من المحاولات، ما بغاوش العين الإماراتي طلب هشام آيت منا بإعارة اللاعب يحيى بنخالق للوداد الرياضي ابتداء من هذا الميركاتو ولمدة موسم واحد، وقالو له لا مع العلم أن المقربين من ايت منا كانو كايقولو أن الصفقة مضمونة حيث زعما هو عندو علاقات قوية مع الأندية الإماراتية، ولكن تبين أن العين عارفين شنو باغيين وأن مصلحة الفريق ديالهم هي الآولى.

العين الإماراتي قررو الاحتفاظ بالمدافع يحيى بنخالق وجابوه معهم للمعسكر اللي دخلو فيه دابا بمركب محمد السادس لكرة القدم بسلا استعدادا للموسم الجاي.