كود سبور//

طامعين العين الإماراتي فخدمات الدولي المغربي أيوب الكعبي لاعب أولمبياكوس اليوناني، وناويين يسنيو معه باش يلعب معهم فكأس العالم للأندية الصيف الجاي فالمريكان مع النجم المغربي فصوف الفريق الإماراتي سفيان رحيمي.

وبداو العين الإماراتي فالمفاوضات مع أولمبياكوس اليوناني، باش يتنازل الأخير عن خدمات أيوب الكعبي لمصلحة الفريق الإماراتي، وأن المفاوضات بين الطرفين غاديا فالاتجاه الصحيح، والعين باغيين يحسمو الصفقة فالسيمانات القليلة الجايا، باش يقدر الكعبي ياخد الفيزا ديال ميريكان ويشارك مع الفريق فمونديال الأندية.

ومازال فالعقد ديال أيوب الكعبي مع أولمبياكوس اليوناني موسم آخر، من غير هذا الموسم اللي قرب يسالي، والعين الإماراتي كايشوفو أن هذه الصفقة إلى نجحت غاتكون مهمة الفريق، وأن الكعبي غايكون ثنائي واعر مع سفيان رحيمي، مع العلم أن العين طاحو فنفس المجموعة مع الوداد الرياضي، والأهلي مانشستر سيتي النگليزي، ويوفنتوس الإيطالي.