كود – وكالات //

الرئيس الأمريكي دونالد ترامب قال يوم الثلاثاء باللي “المساعدة فالطريق” وطلب من الإيرانيين يواصلو الاحتجاج ضد النظام ديال الجمهورية الإسلامية على منصة “تروث سوشيال” كتب:

” الوطنيون الإيرانيون، كملو الاحتجاج – خودو مؤسساتكم! عقلو على سميات القتالة والمعديين..غادي يخلصو الثمن”

ترامب أكد باللي حبس جميع الاجتماعات مع المسؤولين الإيرانيين حتى يوقفو القتل العشوائي للمتظاهرين. وقال: “العوين غادي فطريق!”

هاد التصريحات جات قبل ما ترامب يجتمع مع كبار المسؤولين ديالو باش يناقشو الخطوات الممكنة مع إيران، نائب الرئيس الأمريكي، جيه دي فانس، من بين اللي كيدفعو ترامب باش يدير مفاوضات جديدة قبل  أي قرار عسكري ضد النظام الإيراني. المصادر كتقول باللي ترامب باغي دابا  العسكر يتدخل، ولكن القرار النهائي غادي يجي من بعد اجتماع اليوم.